Δευτέρα 24 Δεκεμβρίου 2012

Ποντιακά κάλαντα

Χριστός ’γεννέθεν χαράν ’ς σον κόσμον,
χα καλή ώρα, καλή σ’ ημέρα.

Χα καλόν παιδίν οψέ ’γεννέθεν,
οψέ ’γεννέθεν, ουρανοστάθεν.

Τον εγέννεσεν η Παναΐα,
τον ενέστεσεν Αϊ Παρθένος.

Εκαβάλκεψεν χρυσόν πουλάριν
κι εκατήβεν ’ς σο σταυροδρόμιν

Έρπαξαν Ατον οι χίλ’ Εβραίοι,
οι χίλ’ Εβραίοι και μύριοι Εβραίοι.

Ας ακρεντικά κι ας σην καρδίαν
αίμαν έσταξεν, χολή ’κ’ εφάνθεν.

Ούμπαν έσταξεν, και μύρος έτον,
μύρος έτον και μυρωδία.

Εμυρίστεν ατο ο κόσμος όλεν,
για μυρίστ’ ατο κι εσύ αφέντα.

Συ αφέντα, καλέ μ’ αφέντα.
Έρθαν τη Χριστού τα παλικάρε.

Και θημίζ’νε τον νοικοκύρην,
Νοικοκύρη μ’ και βασιλέα.

Δέβα ’ς σο ταρέζ’ κι έλα ’ς σην πόρταν,
δος μας ούβας και λεφτοκάρα.

Κι αν ανοί’εις μας,
χαράν ’ς σην πόρτα σ’.
ΚΑΛΑ ΧΡΙΣΤΟΥΓΕΝΝΑ
&
ΕΙΣ ΕΤΗ ΠΟΛΛΑ

5 σχόλια:

  1. Χρόνια πολλά καλή μου!
    Καλά Χριστούγεννα! Με αγάπη στη ψυχή ! :)

    ΑπάντησηΔιαγραφή
  2. Χαρούμενα Χριστούγεννα με ειρήνη κι αγάπη στην ψυχή!:)

    ΑπάντησηΔιαγραφή
  3. Χριστός γεννέθεν, χαρά σον κόσμον, χαρά σ'εσένα, χαρά σ'εμένα, το νέον έτος καλόν τ'ευλοημένον!!! Ένα κάθε μέρα, να μας συντροφεύεις για πολλά πολλά χρόνια... Καλές γιορτές...

    ΑπάντησηΔιαγραφή

Σχολίασε κι εσύ. . .ότι νομίζεις πως αξίζει!